Дар муассисаи таҳсилоти миёнаи умумии рақами 50-и деҳаи Шаҳринави Ҷамоати деҳоти Деҳибаланд ҷамъомад баргузор гардид, ки дар он раиси Суди ноҳия Раҳмон Ҷ, муовини сардори шуъбаи Вазорати корҳои дохилии Ҷумҳурии Тоҷикистон дар ноҳия Сатторзода А, намояндаи мақомоти иҷроияи ҳокимияти давлатии ноҳия Шарифзода З, мудири бахши кор бо ҷавонон ва варзиш Исломзода С, раиси Ҷамоати мазкур Ҳаётова Р инчунин омӯзгорон, хонандагон ва падару модарони онҳо иштирок намуданд.

Дар ҷамъомад ба иштирокчиён вобаста ба нуктаҳои асосии паёми Пешвои миллат, пешгирии шомилшавии ҷавонон ба ҳар гуна ҳизбу ҳаракатҳои мамнӯъ, ватандӯстиву хештаншиносӣ, ҳифзи арзишҳои миллӣ, иштироки фаъолонаи онҳо дар озмунҳои ҷумҳуриявӣ, донишомӯзӣ, рафти иҷрои қонунҳои Ҷумҳурии Тоҷикистон "Дар бораи уҳдадориҳои ҳарбӣ ва хизмати ҳарбӣ" "Дар бораи масъулияти падару модар дар таълиму тарбияи фарзанд" "Дар бораи танзими анъана ва ҷашну маросим дар Ҷумҳурии Тоҷикистон" ва дигар мавзуъҳои рӯзмарра ибрози андеша карда шуда, аз аҳли толор даъват ба амал оварда шуд, ки барои дар амал татбиқ намудани гуфтаҳои боло, махсусан дар самти риоя ва иҷрои қонунҳои амалкунандаи Ҷумҳурии Тоҷикистон ҷиддӣ ва масъулиятшинос бошанд.