"Роғун" дар 6 моҳ 210,5 млн киловат-соат барқ истеҳсол кардааст

Чархаи аввали нерӯгоҳи "Роғун" дар шаш моҳи аввали соли равон 210,5 миллион киловат соат нерӯи барқ истеҳсол кардааст. Чархаи аввали нерӯгоҳи "Роғун" ҳудуди як моҳ хомӯш шуда буд.

"Роғун" аз тарҳи пурхарҷтарин дар Тоҷикистон аст. Соле миллионҳо сомонӣ барои он сарф мешавад. Манбаи харҷ аз будҷаи давлат ва пулест, ки дар оғози сохтмон аз мардум дар ивази саҳмияҳо ҷамъ кардаанд ва евробондҳое, ки ба маблағи панҷсад миллион доллар ба ширкатҳои хориҷӣ фурӯхта шуд.