ШИОРИ МО !
Нохияи Муъминобод
ОБОД КАРДАН СУННАТИ ДЕРИНАИ МОСТ Имони пок инсонҳои худоҷӯйро ба...
Тақвими хабарҳо;
«     2024    »
 123
45678910
11121314151617
18192021222324
25262728293031
Баҳодиҳии сомона
Баходихии сомона
Беҳтарин
Бад не
Наонқадр хуб
Маҳқул нашуд
Хуб

 

  Ҳангомаҳо дар атрофи сафари расмӣ
Илова кард: adminn9-11-2019, 22:33Асоси

Сафари расмии Роҳбари давлат ба кишварҳои Иттиҳоди Аврупо дар расонаҳои иттилоотии шабакаҳои иљтимоии интернетӣ сару садоҳои зиёдеро ба амал овард ва сомонаҳои ифротӣ ва террористӣ аз фурсати муносиб сӯистифода намуда, машғули иғвоангезиву тафриқаандозӣ ва дасисабозиву ҳангомасозӣ мебошанд. Сомонаҳои ифротиву террористӣ кӯшиш ба харљ медиҳанд, ки ҳар як рафтору гуфтор ва кирдори Сарвари давлатро барои љомеа ба таври муғризона пешкаш намоянд. Яке аз чунин сомонаҳои иғвоангезу тафриқаандоз ва дасисабозу ҳангомасоз ин сомонаи ифротии Кимиёи саодат мебошад, ки бо маҳорати касбӣ ва тахассусии иғвоангезӣ маҳорати хоса дорад. Аз љумла дар ин сомона матолибе ба нашр расидааст, ки гӯё ба Салим Султонзода яке аз фаъолони тољик ва узви Анљумани Озодандешони Тољик, ки айни замон дар Фаронса ҳамчун паноҳандаи сиёсӣ фаъолият мекунад, аз љониби мақомоти кишвар паёми таҳдидӣ фиристода шудааст. Чунин сару садоҳо қабл аз сафари расмии Роҳбари давлат ба Иттиҳоди Аврупо аз љониби сомонаҳои ифротӣ ва террористӣ таҳти унвони «Эмомалӣ Раҳмон пинҳонӣ ба Аврупо сафар мекунад. Чаро?» интишор гардида буд.

Қобили зикр аст, ки сафари расмии Роҳбари давлат ба кишварҳои Иттиҳоди Аврупо пинҳонӣ набуда, аз љониби расонаҳои иттилоотии кишвар манзури љомеа пешниҳод гардида буд. Вале расонаҳои иттилоотии ифротӣ баҳри ҳангомасозиву дасисабозӣ ва тафриқаандозӣ сафари расмии Роҳбари давлатро тавре таҳлилу баррасӣ намуданд, ки гӯё Сарвари давлат пинҳонӣ ба кишварҳои Иттиҳоди Аврупо сафари расмӣ анљом медиҳад. Масъалаи Салим Султонзода низ љуз дурӯғу буҳтон ва макру фиреб чизи дигаре нест. Чунки Салим Султонзода низ ҳангоме ки иддао мекунад, ки аз љониби мақомот, махсусан КДАМ зери таҳдиду фишор қарор гирифтааст, тарҳи нав ва бозии навбатии ташкилоти наҳзатиёни террорист мебошад. То ҳол ташкилоти террористии наҳзатиён доир ба Салим Султонзода ҳамчун нафари фаъоли Анљумани Озодандешони Тољик ном набурдааст ва касе низ дар бораи ӯ иттилооте надорад. Аз куљо чунин шахсияти гумном пайдо шуд ва ҳадаф аз чунин мавқеъгирии зиддидавлатӣ дар чист?

Тавре ба ҳамагон маълум аст, наҳзатиёни террорист дар хориљи кишвар зиндагӣ намула, аз баъзе расму оинҳои хориљиён бархӯрдор гардидаанд ва аз истилоҳоти адабиву фалсафии хориљиён ба таври васеъ истифода мебаранд. Дар ин љо низ ташкилоти террористии наҳзатиён аз истилоҳи симулякр, ки файласуфони фаронсавӣ Жил Делёз ва љомеашинос Жан Бодрийяр дар осори худ истифода намудаанд, сӯистифода намуда, шахсияти нави ғайривоқеиеро вориди саҳнаи сиёсӣ намуданд ва бо ин роҳ мехоҳанд, ҳусни таваљљуҳи љомеаро ба сӯи худ љалб намоянд. Азбаски, бозигарони қаблии ташкилоти террористии наҳзатиён ба ҳадаф ва вазифаи гузоштаи худ ноил нагардиданд, маљбур шуданд, ки аз чеҳраи нави ғайривоқеӣ истифода баранд ва ғаризаҳои шахсии худро аз номи шахси нав ифода намоянд.

Хулоса тавре дар урфият мегӯянд, умри дурӯғ кӯтоҳ аст ва шахси дурӯғгӯ ҳамеша шармсору рӯсиёҳ боқӣ мемонад. Дурӯғи навбатии ташкилоти террористии наҳзатиён низ умри на он қадар тӯлонӣ мебинад. Чунки пас аз як ҳафта Роҳбари давлат аз сафари расмӣ бармегардад ва барои ҳамагон маълум ва ошкор мегардад, ки дар ин сафари расмӣ Роҳбари давлат ба кадом дастовардҳои назаррас ноил гардидааст.  

Саид Салим

silvenpsp.rusferurezki.ru

Маълумот !
Истифодабарандагони мехмон, (Гости), андешаи худро гузошта наметавонанд.