Имрӯз, 14 феврали соли 2023 дар толори Қасри фарҳанги ноҳияи Муъминобод оид ба ҷамъбасти натиҷаҳои рушди иқтисодиву иҷтимоии ноҳия дар соли 2022 бо иштироки васеъи журналистон нишасти матбуотӣ баргузор гардид.
Дар нишасти матбуотӣ раиси ноҳия Шарифзода Лутфия Шариф дар назди намояндагони васоити ахбори омма оид ба дастовардҳои рушди иҷтимоию иқтисодии ноҳия дар соли 2022 мухтасар маълумот дода, ба онҳо барои ҳамкории хубу созанда дар соли 2022 бо пешниҳоди
барномаву гузоришҳо, хабару мақолаҳои таҳлилӣ ва инъикоси дастовардҳои соҳаҳои гуногуни хоҷагии халқи ноҳияи Муъминобод изҳори сипос намуданд.
Пас аз баромади раиси ноҳия оид ба дастовардҳои рушди иҷтимоию иқтисодии ноҳия дар соли 2022, намояндагони васоити ахбори омма ба саволу ҷавоб гузаштанд ва аз тарафи роҳбарият ва масъулин ба саволҳои онҳо посухҳои мушаххас дода шуд.
Дар охир раиси ноҳияи Муъминобод Шарифзода Лутфия Шариф бо арҷгузорӣ ба заҳмати аҳли эҷод, ба намояндагони васоити ахбори омма ҷиҳати иҷрои рисолати касбиашон, яъне инъикоси холисонаи дастовардҳои замони истиқлол ва ташаккули афкори созандаи омма, комёбиҳои беназирро таманно карданд.
silvenpsp.rusferurezki.ru
«…Мардуми Муъминобод Шумо аз ин манзараҳои нотакрор, обҳои сарду дармонбахши чашмаҳо, боду ҳавои форам, заминҳои зархезу серҳосил, боғоти сермеваи шаҳдбор шукрона кунед. Шукрона кунед, ки Худованд ҳамаи муъҷизоти оламро дар ин макон бебаркаш ато кардааст. Дар замони шуравӣ ва пасошуравӣ ҷаҳонро гаштаму дидам. Маконеро пайдо кардан душвор аст, ки чун Муъминобод чор фасли сол зебогиҳои бемислу нотакрорро доро бошад».
