Санаи –5-ноябри соли 2019 дар қасри фарҳанги ноҳия ба муносибати Рузи Конститқтсияи Ҷумҳурии Тоҷикистон чорабинӣ тантанавӣ доир гашт. Дар ин рузи санаи тақдирсоз табрикоти раиси ноҳия муҳтарам Амиршозода Тоҳирхон Темур ба мардуми шарифи ноҳия ироъа гардид.

 6-ноябр барои мардуми шарифу озодандеши Тоҷикистон, аз ҷумла барои сокинони шарафманди ноҳияи Муъмимнобод азизу муқадас, хотирмону умедбахш расидан ба ҳадафҳои ояндасозӣ мебошад.

 Маҳз 6-ноябри соли 1994 лоиҳаи Конститутсия, ки бароли раъйпурсии умумихалқӣ пешниҳод шуда буд, қабул гардид. Натиҷаи раъйпурсии умумихалқӣ хеле муассир ва хушнудкунанда буд. Зеро зиёда аз 87 фоизи иштироккунандагон лоиҳаи пешниҳодшударо дастгирӣ ва ба ҷонибдориаш раъйи худро баён доштанд. Бо баён доштани андешаҳои созандаву мусбӣ мардуми Тоҷикистон сарнавишташонро бо иродаи хеш худашон муайян намуданд.

 Аз лаҳзаи тақдирсоз 25 сол пур мешавад. Мехоҳам Шумо ҳамдиёрони азиз ва кули сокинони диёри биҳиштӣ ва зебоманзари Муъминободро ба 25-умин солгарди Конститутсияи Ҷумҳурии Тоҷикистон – Шаҳкитоби муайянкунандаи воқеии рукнҳо ва таркиби давлатдории навини тоҷиконсамимона шодбош бигуям.

 Ба хонадони ҳар кадом сокини ноҳия файзу баракат, амонию осоиштагӣ ва бақодорию пойдории пояҳои давлатдории воқеан соҳибихтиёр, демократӣ, ҳуқуқбунёд, дунявӣ ва ягонаро тамано дорам.