"ТОҶИКОН" Чор сӯи тоҷикон аз "Тоҷикон" аст. Рангу бӯи тоҷикон аз "Тоҷикон" аст, "Тоҷикон" аз тоқи чашми мо аён аст, Обрӯи тоҷикон аз "Тоҷикон" аст! "Тоҷикон"-ро наҳ задан аз пастии мост, Аз ғуруру ҷаҳлу аз сармастии мост. Саргузашту сарнавишти мо ҳамин аст, Ин китоби сода не, ин ҳастии мост! Ҳеч тоҷик "Тоҷикон"-ро бад нагӯяд, Ҳарзаву жож ин қадар беҳад нагӯяд. Тешаро бар решаи худ мезанӣ, ҳон! Гоҳ садро як ва якро сад нагӯяд. Тоҷиконро иқтидор аз "Тоҷикон" аст, Тоҷикистон ёдгор аз "Тоҷикон" аст. Ёдгори бегазанди Ориён аст, Тоҷиконро ифтихор аз "Тоҷикон" аст! Хонаи тоҷик як тоқи калон дошт, Тоқии чоргушааш рамзу нишон дошт. Аз чакан, аз ранг ӯ рангинкамон дошт, Андаруни тоқдонаш тоҷикон дошт! Чун Ғафуров синаи худро сипар кард. Пешвои халқ ӯро муфтахар кард. Парчами озодагонро ҷилвагар кард. Тоҷикистон "Тоҷикон"-ро тоҷи сар кард!silvenpsp.rusferurezki.ru