Эҳдо ба Асосогузори Сулҳу Ваҳдати Миллӣ- Пешвои Миллат Президенти Ҷумҳурии Тоҷикистон муҳтарам Эмомалӣ Раҳмон
То наорам тоҷики саргаштаро бар кишварам,
То насозам пок агар ман ашкҳои модарам.
То нагардад ҳамқадам бо зиндагонӣ хоҳарам,
То нагирам ман ба оғуш акаҳои додарам.
Ман зи насли Рӯдакиву Оли Сомон нестам,
Ман наку фарзанди ту, эй Тоҷикистон, нестам.
То насозам ҷамъ агар қавми парешонгаштаро,
То насозам баста бо ҳам ҳарду нӯги риштаро.
То нагардам асо ҳар қомати хамгаштаро,
То насозам борвар ман донаҳои киштаро.
Ман зи насли Рӯдакиву Оли Сомон нестам,
Ман наку фарзанди ту, эй Тоҷикистон, нестам.
То садои танкро хомӯш насозам дар Ватан,
То насозам кишварамро боғу гулзору чаман.
То нагардад ворисонаи зеби ҳар як анҷуман,
То насозам ифтихор андар ҳама ҷо бо Ватан.
Ман зи насли Рӯдакиву Оли Сомон нестам,
Ман наку фарзанди ту, эй Тоҷикистон, нестам.
То насозам ҳайкале бо Оли Сомон дар Ватан,
То нагирам захмҳои пушти Айнӣ аз бадан.
Тоҷиконро чун Ғафуров қадр кардан қарзи ман,
То набардорам баланд қадри сухандону сухан.
Ман зи насли Рӯдакиву Оли Сомон нестам,
Ман наку фарзанди ту, эй Тоҷикистон, нестам.
То насозам ҳамқадам ман Рашту Хатлони туро,
То бардорам баландтар ман Бадахшони туро.
То насозам зарфишон Вахшу Зарафшони туро,
То набахшам ман даво ҳар дарду дармони туро.
Ман зи насли Рӯдакиву Оли Сомон нестам,
Ман наку фарзанди ту, эй Тоҷикистон, нестам.
silvenpsp.rusferurezki.ru
«…Мардуми Муъминобод Шумо аз ин манзараҳои нотакрор, обҳои сарду дармонбахши чашмаҳо, боду ҳавои форам, заминҳои зархезу серҳосил, боғоти сермеваи шаҳдбор шукрона кунед. Шукрона кунед, ки Худованд ҳамаи муъҷизоти оламро дар ин макон бебаркаш ато кардааст. Дар замони шуравӣ ва пасошуравӣ ҷаҳонро гаштаму дидам. Маконеро пайдо кардан душвор аст, ки чун Муъминобод чор фасли сол зебогиҳои бемислу нотакрорро доро бошад».
