Ҳусни мақтаъи ҷинояткорӣ дар Бадахшон Дар Бадахшон кори таърихӣ ба вуқӯъ пайваст.
Ҳусни мақтаъи ҷинояткорӣ дар Бадахшон
Дар Бадахшон кори таърихӣ ба вуқӯъ пайваст. Ҳалқаҳои ҷинояткор, ки муддати 30 сол мардумро ба гаравгон гирифта буданд, ба коми фаромӯшӣ фурӯ рафта, маҳв гардиданд. Ин ҳолат чанд сабаб дошт, ки яке аз онҳо ҷудо шудани сафи кормандони мақомот, халқ аз қатори ҷинояткорон буд. Вокунишҳои мардум дар бораи ҷинояткорон дар воситаҳои ахбори омма кори худро ба шакли муассир анҷом доданд. Ҳадди аксари сокинони вилоят бо дарки масъулияти том ва эҳсоси баланди ватандӯстӣ ба ҷинояткорон ҷавоби дандоншикан доданд, ки агар ба як ҷумла онро хулосагирӣ намоем, ин посух аз он иборат буд, ки дигар халқ ба ҷавобгарон бо ҷуръат ҷабҳаи муқовиматро сар дод. Ин муқовимат як паёми равшан дошт: ҳамкорӣ бо мақомот ва маҳкум намудани 12 гурӯҳи ҷинояткор, ки аз ҷавобгарӣ дар назди қонун сар мепечиданд.
Нуқтаи атф ё ба истилоҳ сарнавиштсоз барои мардуми Хоруғу Рӯшон ин 12-уми июни ҳамин сол аст. Ин санаест, ки марҳилаи таърихи навро ба армуғон овард. Аз ин ба баъд даврони тантанаи қонун ва риояи қонунгузорӣ дар маркази маъмурии вилоят ба ҳукми анъана хоҳад даромад.
Як падидаи бисёр нангин ҳам мардум ва ҳам мақомотро нигарон карда буд. Ақаллияти ҷангҷӯ ва ҷиноятпеша дар Хоруғ ба ҳарфу амали қонун гӯш надода, мардумро азияту шиканҷа медоданд. Вале бепарвоӣ дар зеҳнҳо чунон хутур карда буд, ки касе ёрову тавонмандии муқобилият карданро надошт. Ҳама бетарафӣ ишғол карда, худро дар канор мегирифтанд. Хамчукн куниши ин бархӯрд, ГМҶ чоқтару барҷастатар мешуд, пулу пайсаи бедарди миён ҷамъ мекард, моликият меғундошт. Ва чун пайомади ин ғоратгариҳо ҳукумати бештар тақозо мекард.
Ҳамин тариқ, Бадахшон дар асл ба макони амн ва осоишта табдил ёфт. Лоиҳаҳои созандаву ободкор дар ҳолати татбиқ шудан ҳастанд. Мардум дар пайи кору рӯзгор саъю талош менамояд, ки аз ин рӯзҳои наҳс ва муҳити ҷиноятзада дурӣ биҷӯяд.
Кори нахустине, ки бояд мақомоти маҳаллӣ бикунанд, ин аз он иборат аст,ки бо халқ кор кунанд, ҷомеаро бисозанд, мафкураи ҷиноятпарвариро барои ҳамеша решакан кунанд.
Мӯҳсин Расулов, сокини ш.Хоруғ
silvenpsp.rusferurezki.ru
«…Мардуми Муъминобод Шумо аз ин манзараҳои нотакрор, обҳои сарду дармонбахши чашмаҳо, боду ҳавои форам, заминҳои зархезу серҳосил, боғоти сермеваи шаҳдбор шукрона кунед. Шукрона кунед, ки Худованд ҳамаи муъҷизоти оламро дар ин макон бебаркаш ато кардааст. Дар замони шуравӣ ва пасошуравӣ ҷаҳонро гаштаму дидам. Маконеро пайдо кардан душвор аст, ки чун Муъминобод чор фасли сол зебогиҳои бемислу нотакрорро доро бошад».
